Ալբերտ Էյնշտեյնի լավագույն մտքերից. tert.am

20-րդ դարի մեծագույն մտածողներից մեկը` Ալբերտ Էյնշտեյնը, հիմնարար հետազոտություններ է կատարել և տեսություններ է մշակել տիեզերքի գործառույթների վերաբերյալ, ինչպես օրինակ` Հարաբերականության տեսությունն, ու կանխատեսել ձգողական ալիքների գոյությունը, որի մասին միայն 100 տարի անց հստակ տվյալներ ստացվեցին:

Էյնշտեյնի հանճարեղությունը  դրսևորվում է նաև փիլիսոփա-գիտնականի խոր մտքերում, որոնք արդիական են բոլոր ժամանակների համար: Այս մասին գրում է  Tech insider-ը` ներկայացնելով ֆիզիկոսի «գիտական» ասույթները:

• Երբ տղամարդը նստած է գեղեցիկ կնոջ կողքին, մեկ ժամը մեկ րոպե է թվում, իսկ եթե նստած լինի տաք գազօջախի վրա, մեկ րոպեն մեկ ժամից ավել կթվա։ Ահա թե որն է հարաբերականության տեսությունը:
  
  
• Երջանիկ մարդը չափազանց բավարարված է ներկայով ապագայի մասին մտածելու համար:
  
  
• Շատ ուսուցիչներ հարցադրումներ անելիս փորձում են պարզել, թե ինչ չգիտեն աշակերտները, մինչդեռ հարցադրումների իրական արվեստը պարզելն է, թե ինչ գիտի կամ ինչ կարող է իմանալ աշակերտը:
  
  
• Գովաբանության «կոռուպցիոն» էությունը բացառելու լավագույն տարբերակը աշխատել շարունակելն է:
  
  
• Չգիտակցված հարգանքը  հեղինակության նկատմամբ ճշմարտության մեծագույն թշնամին է:
  
  
• Ողջախոհությունն ուրիշ ոչինչ է, քան նախապաշարմունքների շարան, որ ձևավորվում են մտքում մինչև 18 տարեկանը:
  
  
• Ավելի հեշտ է փոխել պլուտոնիումի բնածին հատկությունները, քան փոխել մարդու չարակամ էությունը:
  
  
• Երևակայությունն ավելի կարևոր է, քան գիտելիքը: Գիտելիքը սահմանափակ է: Երևակայությունը շրջապատում է աշխարհը:

Հարցեր, պատասխաններ, մեկնաբանություններ